ਦਿੱਗਜ ਟੈਕਨਾਲੋਜੀ ਕੰਪਨੀ ਗੂਗਲ ਦੀ ਇੱਕ ਗਲਤੀ 5 ਲੱਖ ਤੋਂ ਵੱਧ ਲੋਕਾਂ ਨੂੰ ਮਹਿੰਗੀ ਸਾਬਤ ਹੋਈ ਹੈ। ਗੂਗਲ ਨੇ ਗਲਤੀ ਨਾਲ $125 ਬਿਲੀਅਨ ਦੇ ਪੈਨਸ਼ਨ ਫੰਡ ਨੂੰ ਮਿਟਾ ਦਿੱਤਾ ਸੀ। ਇਸ ਕਾਰਨ ਲੱਖਾਂ ਲੋਕ ਲਗਭਗ ਇੱਕ ਹਫ਼ਤੇ ਤੱਕ ਆਪਣੇ ਖਾਤੇ ਦੀ ਵਰਤੋਂ ਨਹੀਂ ਕਰ ਸਕੇ। ਗੂਗਲ ਦੀ ਇਸ ਗਲਤੀ ਨਾਲ ਕਾਫੀ ਗਲਤਫਹਿਮੀ ਫੈਲ ਗਈ ਸੀ। ਤਕਨਾਲੋਜੀ ਕਾਰਨ ਇਸ ਤਰ੍ਹਾਂ ਦੀ ਸਮੱਸਿਆ ਪਹਿਲੀ ਵਾਰ ਸਾਹਮਣੇ ਆਈ ਹੈ।
ਇਹ ਸਮੱਸਿਆ ਯੂਨੀਸੁਪਰ ਦੇ ਲੱਖਾਂ ਮੈਂਬਰਾਂ ਨੂੰ ਹੋਈ। UniSuper ਇੱਕ ਆਸਟ੍ਰੇਲੀਆਈ ਫੰਡ ਹੈ, ਜੋ ਸਿੱਖਿਆ ਅਤੇ ਖੋਜ ਖੇਤਰਾਂ ਵਿੱਚ ਕੰਮ ਕਰਨ ਵਾਲੇ ਕਰਮਚਾਰੀਆਂ ਲਈ ਰਿਟਾਇਰਮੈਂਟ ਸੇਵਿੰਗ ਸੇਵਾਵਾਂ ਪ੍ਰਦਾਨ ਕਰਦਾ ਹੈ। ਯੂਨੀਵਰਸਿਟੀਆਂ, ਕਾਲਜਾਂ ਜਾਂ ਖੋਜ ਸੰਸਥਾਵਾਂ ਵਿੱਚ ਕੰਮ ਕਰਨ ਵਾਲੇ ਲੋਕ ਯੂਨੀਸੁਪਰ ਦੇ ਮੈਂਬਰ ਹਨ। ਰਿਪੋਰਟ ਮੁਤਾਬਕ ਯੂਨੀਸੁਪਰ ਦਾ ਡਾਟਾ ਗੂਗਲ ਕਲਾਊਡ ‘ਤੇ ਉਪਲਬਧ ਸੀ। ਇਸਨੂੰ ਗਲਤੀ ਨਾਲ ਗੂਗਲ ਕਲਾਉਡ ਤੋਂ ਹਟਾ ਦਿੱਤਾ ਗਿਆ ਸੀ। ਕਈ ਲੋਕਾਂ ਦੀਆਂ ਸ਼ਿਕਾਇਤਾਂ ਤੋਂ ਬਾਅਦ ਇਸ ਗਲਤੀ ਨੂੰ ਸੁਧਾਰਿਆ ਗਿਆ।
ਯੂਨੀਸੁਪਰ ਦੇ ਸੀਈਓ ਪੀਟਰ ਚੁਨ ਅਤੇ ਗੂਗਲ ਕਲਾਉਡ ਦੇ ਸੀਈਓ ਥਾਮਸ ਕੁਰੀਅਨ ਨੇ ਵੀ ਇਸ ਗਲਤੀ ਲਈ ਮੁਆਫੀ ਮੰਗੀ ਹੈ। ਉਨ੍ਹਾਂ ਕਿਹਾ ਕਿ ਇਹ ਸਮੱਸਿਆ ਬਹੁਤ ਨਿਰਾਸ਼ਾਜਨਕ ਹੈ। ਗਾਰਡੀਅਨ ਦੀ ਰਿਪੋਰਟ ਮੁਤਾਬਕ ਉਸ ਨੇ ਯੂਨੀਸੁਪਰ ਦੇ ਮੈਂਬਰਾਂ ਨੂੰ ਦੱਸਿਆ ਕਿ ਇਹ ਕੋਈ ਸਾਈਬਰ ਹਮਲਾ ਨਹੀਂ ਸੀ। ਇਸ ਗਲਤੀ ਕਾਰਨ ਕਿਸੇ ਵੀ ਮੈਂਬਰ ਦਾ ਨਿੱਜੀ ਡਾਟਾ ਨਾ ਤਾਂ ਲੀਕ ਹੋਇਆ ਹੈ ਅਤੇ ਨਾ ਹੀ ਡਿਲੀਟ ਹੋਇਆ ਹੈ।
ਪੀਟਰ ਚੁਨ ਅਤੇ ਥਾਮਸ ਕੁਰੀਅਨ ਨੇ ਕਿਹਾ ਕਿ ਯੂਨੀਸੁਪਰ ਦੇ ਡੇਟਾ ਨੂੰ ਅਪਡੇਟ ਕਰਨ ਦੌਰਾਨ ਗਲਤੀ ਹੋਈ ਹੈ। ਇਸ ਕਾਰਨ ਯੂਨੀਸੁਪਰ ਪ੍ਰਾਈਵੇਟ ਕਲਾਊਡ ਸਬਸਕ੍ਰਿਪਸ਼ਨ ਦਾ ਡਾਟਾ ਡਿਲੀਟ ਕਰ ਦਿੱਤਾ ਗਿਆ। ਹੁਣ ਪੂਰਾ ਡਾਟਾ ਬਹਾਲ ਕਰ ਦਿੱਤਾ ਗਿਆ ਹੈ। ਦੋਵਾਂ ਕੰਪਨੀਆਂ ਦੇ ਸੀਈਓ ਨੇ ਕਿਹਾ ਕਿ ਅਜਿਹੀ ਸਮੱਸਿਆ ਪਹਿਲਾਂ ਕਦੇ ਨਹੀਂ ਆਈ। ਗੂਗਲ ਕਲਾਉਡ ਦੇ ਕਿਸੇ ਵੀ ਗਾਹਕ ਨੂੰ ਅਜਿਹੀਆਂ ਸਮੱਸਿਆਵਾਂ ਦਾ ਸਾਹਮਣਾ ਨਹੀਂ ਕਰਨਾ ਪਿਆ ਹੈ। ਅਸੀਂ ਤੁਹਾਨੂੰ ਸਾਰਿਆਂ ਨੂੰ ਭਰੋਸਾ ਦਿਵਾਉਂਦੇ ਹਾਂ ਕਿ ਭਵਿੱਖ ਵਿੱਚ ਵੀ ਅਜਿਹੀਆਂ ਸਮੱਸਿਆਵਾਂ ਕਦੇ ਵੀ ਪੈਦਾ ਨਹੀਂ ਹੋਣਗੀਆਂ।